الانترتت

ممكن يا مواطن يا محترم تقولى ايه العلاقة بين أسعار النت الجديدة و البلوجات المصرية؟

عايز أرجع أكتب تانى

عايز أرجع أكتب تانى
بقالى كتيييييييييييييييير مكتبتش

مش ممكن الأجازة دى

التاج

جالى التاج ده من
kimexlilo
والعربى

طبها لازم أجاوب عليه ، ما هى دياما كل الأسئلة فى حياتنا لازم تبقى اجبارى ، حتى مش عارفين نختار الأسئلة اللى عايزين نتسألها

بسم الله الرحمن الرحيم

انت مين؟
انسان ذكر عنده 20 سنة و شوية ، عايش فى مصر

مين اكتر 6 اشخاص بتحبهم؟

بابا و ماما و اختى و مدام ايمان ومحمد ومحمد

انت سعيد؟

مفيش حد سعيد " ولقد خلقنا الإنسان فى كبد "

لو اجتمعت انا وحسني مبارك في غرفة واحدة؟

مش هتكلم طبعا

لو معاك مليون ونص جنيه......تعمل بيهم ايه؟

هعمل مشروع بفكر فيه اليومين دول ، و هتبرع بجزء للخير

بتحب مصر؟

بحبها جدا معرفش ليه

بتحب البنات؟

آه للأسف ، رغم هبلهم معلش ، و نفسى لما اتجوز اجيب بنت

انت مسلم؟

الحمد لله على نعمة الإسلام و كفا بها نعمة

ليه؟
علشان أهلى مسلمين

مين اكتر شخصية ما تقدرش تستغنى عنها في حياتك؟وليه؟

أنا

ايه اكتر موقف محرج اتعرضت ليه في حياتك؟واتصرفت ازاي؟

اكيد مدام محرج ، يبقى أكيد مش هعرف اتصرف وده اللى حصل فعلا من شهرين بس ده مش هحكيه هنا
بس فى موقف تانى
كنت مرة فى تانية ثانوى ، وعايز اعرف الدرس هاخده امتى ، و هو المفروض فى بيت زميلة يعنى ، فاتصلت بالمدرس ملقيتهوش ، اتصلت بالنبت قعدت تقولى حضرتك ومش حضرتك و هتصل بيك كمان شوية و متصلتش طبعا

ايه الأمنية اللي بتدعي ربنا دايما انه يحققها لك؟

عايز أبقى غنى
تمرر التاج دة لمين؟

مش عارف أنا حاسس إن أنا آخر واحد رد على التاج ده
اللى عايز ياخده ياخده يا جماعة مش هقولو لأ

Yusuf Islam : I look I see

الألبوم كامل (wma)

1- I look I see (download)
2- Alkhalik (download)
3- Allahu Allahu (download)
4- BismAllah ana muslim (download)
5- Months in Islam extended (download)
6- Sing Children of the world (download)
7- Our guide is the Quran (download)
8- Your mother (download)
9- Tala elbadru alaina (download)

source

مبروك إسرائيل

قائد الكتائب يعلن العفو عن معتقلى فتح


مقاتلون من حماس داخل مكتب الرئيس عباس فى غزة

لا تعليق



---------------------
وانا فى حضانة ، كان عندى تلات أصحاب بلعب معاهم كل يوم ، وجيت فى يوم كنت عيان ، ومروحتش المدرسة يوميا ،وحيت تانى يوم فى الفسحة روحت علشان ألعب معاهم
.
.
.
قالولى لأ طبعا ، انت غبت امبارح ، مينفعش تيجى تلعب ، انت خلاص خرجت من الجروب بتاعنا ، و مش هتلعب معانا تانى
..

طبعا سبتهم ورحت ألعب مع ناس تانية


-------------------

الموقف ده عمال افتكره فى الأيام دى ، خصوصا فى تعاملى مع بعض الناس ، ، بحس أن احنا فى حضانة فعلا ، و طريقة التعامل دى أعتقد هى الأسا فى التعامل ما بين العرب و بعضهم ، وهوا اللى وصلهم للموقف الحالى ، ...


الموقف اللى بيخلى كل واحد يحس بالمهانة والذل إنه ينتمى للعرب

العرب اللى لما وزراء خارجيتهم اجتمعوا علشان يحلوا المشكلة ، اتقسموا بردوا ، حماسيين و فتحيين ..........

العرب اللى بيحبوا إسرائيل ، علشان كده بيحققولها كل امانيها ، و بيتخانقوا مع بعض كل ليلة و كل ساعة

------------------------

أنا مش من هواة جلد الذات ، بس اللى أنا فيه بقى غير محتمل ، ليه شاب فى مقتبل العمر ، يبقى كل أحلامه علشان يكون نفسه ، انحصرت فى إنه يسافر بره

يسيب الوطن العربى و المجتمع العربى و الأسرة العربية

---------------------

مبروك إسرائيل
Congratulations Israel
Felictations Israel

أسوأ سنة دراسية

انتهت من شوية أسوأ سنة دراسية مرت عليا ، كل ما أفكر إن كنت بادرس حاجات غصب عنى ، و بطرق مش عاجبانى ، و امتحانات مش مريحانى ، احس إن أنا حمار لا مؤاخذة

تانية كهربا عام هندسة عين شمس

أولا هيا عام ، علشان من أربع سنين ، جم الناس بتوع التطوير ، وقالو نخلى التخصص من بعد سنتين مش سنة واحدة ، وبالتالى قدروا بكل فقاقة إنهم يجمعوا أربع سنين دراسية فى سنتين

ليه أربع سنين ؟
علشان إحن عندنا تلات أقسام فى كهربا ، فزمان كان فى تانيه كومبيوتر و تانية اتصالات و تانية باور ، لما يضموا التلات سنين دول على أولى كهربا يبقوا جمعوا ما بين أربع سنين دراسية فى سنتين .
و نتيجة لكده فى مناهج اتدمرت ، ومبقتش أساس كويس للقسم اللى جايه منه ، و حتى لو فضلت زى ما هى فأكيد مش هنستفيد منها استفادة كاملة .


يمكن الاستفادة الوحيدة من سنة تانية إنها اكدتلى القسم اللى أنا هتخصص فىيه إن شاء الله ، علشان أنا فى سنة أولى كنت متردد شوية

----------------------
يا رب لما تخلص الأجازة ، أكون عملت اللى أنا عايزه ...
ويكون الواحد داخل السنة اللى جاية و هوا فعلا مستعد يدرس


-------------------------
أسيبكم مع فرقة وسط البلد
آه يالالالى

أنتيكا

غباء

رجلى اليمين لما بقف عليها كتير ............. رجلى الشمال بتنقح عليا أوى

إيييه مش مصدق ؟؟؟؟؟؟؟

طب خد دي

سلك السماعات الهيدفون لما بشده الماوس اليو إس بى بيعلق ، وميشتغلش إلا لما أشيله و أحطه تانى

ها صدقت ؟؟؟؟؟؟؟؟؟؟؟؟؟

و يموت الحب عندما يقرر العشاق إغراق السفينة ، على رأى واحد لسا مزودنى على الميسنجر ، أول معرفه هافشخه لا مؤاخذة
علشان مش هو و المعمل و الماوس