الانترتت

ممكن يا مواطن يا محترم تقولى ايه العلاقة بين أسعار النت الجديدة و البلوجات المصرية؟

ازاى تعمل بلوج فى 3 دقايق

ازاى تعمل بلوج فى 3 دقايق

1- افتح www.istockphoto.com و اختار أى صورة

2- حطها فى البلوج بتاعك فوق فى النص

3- اكتب تحتيها أى كلام يعبر عن الحالة النفسية الكونية اللادنيوية بتاعتك فى الفضاء اللازوردى

مبروك عملت البلوج


ملحوظة :

متنساش يكون الكلام مش مفهوم بتباتا

يستحسن تكتب كل مرة بنفس الفونت واللون

Drive E

من حوالى سنتين و نصف اشتريت كمبيوتر جديد ، هارد ديسك 80 جيجا ، وكان فى
Drive E

فى الأول كان عليه برامج كتير أوى ، أوفيس وويندوز و بلاوى متلتلة ، وعليه ألعاب زى فيفا 2005 و
need for speed
وشهر مايو 2005 حصلت حادثة غريبة فى الكمبيوتر مالناش دعوة بيها دلوقتى و اتشال
Drive E
بكل اللى عليه وزعلت طبعا لأن فى حاجات مش هعرف أجيبها خالص


المهم ربنا عوض عليا ، ومن سنة بالظبط جبت
DSL
وبقيت شاب داونلود ، وقعدت أعمل داونلود و جبت برامج كتير أوى ، لدرجة إن أنا فكرت أعمل
database
للبرامج دى علشان أعرف أدور فيها ، بس ملحقتش .....

ملحقتش علشان شهر مايو جه
وانا أصلا مبحبش الشهر ده خالص ، وعادة مبعملش حاجة فيه غير ان انا اتخانق مع الناس

جه شهر مايو ، وحصلت حادثة مشابهة للى حصل من سنتين ، وضاع
Drive E
تانى بكل الثروة اللى كانت عليه ، والمرة دى مكنتش عارف أزعل ع اللى راح ولا ازعل من شهر مايو

الأجازة

همممممممم

الأجازة

الواحد حس إن فى سنة خلصت ، بس لأن ده مش حقيقى واحنا عارفين كده كويس ،فالشعور لذيذ ، وكل ماقابل واحد يقولى مش عارف ليه مش مستمتع بالأجازة .......

بس امبارح كان يوم لذيذ فعلن الواحد تقريبا عمل كل حاجة كان نفسه فيها ، خرج واتفسح وخرج مع الأطفال و فسحهم
فعلن كان يوم لذيذ


-------------------------

الأجازة

الواحد قعد يمتحن خمس امتحانات بس فى شهر كامل ، لما جاله تخليل كامل لعقله
الواحد اكتشف ان الدكاترة بيدوا منهج ، واحنا بنذاكر حاجة تانية ، أما الامتحان فده حاجة تالتة خااااااااااااااااااالص



-------------------------

الأجازة

الأحلام اللى الواحد بيعد يحلم بيها طول الدراسة ، والمشاريع و الخروجات و ممكن بسهولة جدا تتحطم على صخرة الوقت و الملل والزهق و الإحباط

-----------------------
الأجازة

الأفكار المجنونة تدوم .......

picture blog ( anew meme )

meme ( pronounced like a dream )

" a blog with a picture and closed "
is a new meme spread in our community on the internet , a new way of expressing , a picture is like a feeling .

sometimes the picture is accompanied with some words , as a special message to someone from the blogger or the topic starter.

is that right ?
not to find words to express our feelings , i know it's a lovely way of expressing , and an indirect way to make his message easy to everyone ,
but i'm afraid from the moment that we will not find picture realted to our feelings ....

to see examples of pictures' blogs :
ee2009 blogs
link #1


to know more about meme and memetics :
link#1
link#2