حكاية بنت اسمها فيلد

كان يا ما كان .... ء
فى هذا العصر الجنان .... ء

كان فى فارس شجاع مقدام مغوار مشوار مفوار ..... وسيم جميل طويل عريض ... إلى آخر الصفات الحلوة كلها ، وكان إسمو أبو نسمة
الفارس قرر إنه يسافر بلاد عبده باشا رغم اعتراض والديه ، وهناك فى القصر الكبير باع عبده باشا ، قابل بنت جميلة اسمها فيلد

أبو نسمة لقى البنت مفيش حد بيحبها فقرر انه يعطف عليها
و قضوا أيام جميلة مع بعض ، لحد فى يوم ......... ء

جات فيلد و قالت لأبو نسمة : أنا عندى شحنات فى الإنفينيتى
قالها : إيه ؟
يعنى إيه شحنات ؟

قالته : إزاى متعرفش الشحنات ؟؟؟؟؟؟؟؟؟؟؟
لانتا أبو نسمة ولا أعرفك
وفجأة تغيرت فيلد وبقت شريرة خالص وجابت أختها من تحت الأرض مجنتيك فيلد ، وفضلوا يعملوا أعمال لأبو نسمة المسكين وهو مش عارف يعمل إيه يا عينى .... وجابولوا لابلاس اللى هو ميحبوش

لحد ما قررت فيلد إنها تحارب أبو نسمة وتطلعه من معتقل عبده باشا
وقررت غصب عن عين أبو نسمة إن يكون معاد الحرب يوم الاتنين الساعة اتناشر ونص

بكره انشاءالله نشوف أبو نسمة عمل ايه مع الفيلد