البطاقة الاستنخابية

ذهبت يوم الأحد السابق لاستخراج البطاقة الإنتخابية ، بعدما سمعت أن 31 يناير هو آخر يوم لاستخراجها ، بعدما كان متاح حتى نهاية شهر مارس ، ولكن المسئولين وجدوا أن فترة ثلاثة أشهر كثيرة ، فتقلصت إلى شهر واحد ، .....

المهم ، ذهبت إلى السجل المدنى ، قالوا لى إذهب إلى القسم ، ذهبت إلى القسم ، صعدت الدور الثانى ، سألت عن المطلوب ، صورة من الرقم القومى ...... حلو أوى

خرجت من القسم ، اكتسفت إن اليوم الأحد ، الأجازة الرسمية للمحلات كلها تقريبا ، لكن لحسن الحظ وجدت محل متخصص أمام القسم فى تصوير البطافات ، ربع جنيه وبقى معايا صورة من البطاقة ..... حلو جدا

رجعت القسم تانى ، قالوا لى إملأ الجزء العلوى من هذه الاستمارة ، بعض البيانات البسيطة .... حلو خالص

-----------------------

نسيت أوصف لكم مكتب القيد بالجداول الامتخابية :
أودة 2 متر فى متر و نص ، قاعد فى نصها كده رجل كبير أمام مكتب عليه دفاتر كتير أوى
و فى مكتب تانى متعامد على الأولانى _ معلش هندسة _ أمامه واحد كبير فى السن بردو ، هو ده اللى كان قالى هات صورة من البطاقة وكده

على شمال الأودة فى واحدة قاعدة على كرسى ، أمامها ترابيزة عليها أكل ، الأكل ده عبارة عن بصل أخضر و شوية حاجات تانية

-------------------------


المهم بعد ما رجعت ما طلبوا منى أملا الاستمارة ، لم أجد معى قلما ، طلبت منهم ............... الصراحة استحقرونى جدا جدا جدا

بردو مش مهم
مليت الاستمارة
دبسوها فى صورة البطاقة
وقالولى انزل امضيها من ياسر بك

انزل تحت فى النوبطجية ---> تانى أودة على اليمين ----- > روح اسأل عليه هناك ---- > معرفش إذا كان جه ولا لأ -----> اطلع تانى -------> لأ انزل اسأل عليه عند أحمد بك --------> هو فى الأودة دى ---------> لقيت ياسر بك

لم يرد السلام ، مسك الورقة ، مضى عليها ، خرجت طلعت تانى ، للراجل الكبير بتاع الجداول الانتخابية ، بص فى الورقة كده
.
.
.
امممم
ادانى ورقة عليها رقم وتاريخ اليوم
- تعالى استملها فى نص شهر 4 ....................ء
.
.
.
.
.